- 15:30—16:00 — чеберлыко киужъёсъя адӟытон но мастер-классъёс. Удмуртиысь хороводъёс
- 16:00—17:00 — «Удмурт шаерлэн историез» югдытон программа, Удмуртиысь коллективъёслэн йылолъёсты возьматонзы
- 17:00—17:30 — Удмуртиысь артистъёслэн концертсы
- 12:30—12:50 — «Удмурт гуртлэн улон-вылонэз», «Удмуртилэн инкуазез» фотоадӟытонъёс экскурсиосын. Удмуртиысь усточиослэн киужъёсынызы адӟытон
- 13:00—13:45 — «Удмуртия — ошмесо шаер» конференция
- 13:00—14:00 — чеберлыко киужъёсъя мастер-классъёс, удмурт шудонъёсъя но эктонъёсъя мастер-класс
- 14:00—15:30 — «Удмурт гуръёс Невалэн ярдураз» концерт. Удмуртиысь творчествоя коллективъёслэн возьматонзы.
Удмуртилэн фестивалез ортчоз Санкт-Петербургын
«Лымшор удмуртъёсын тодматоз Вавож ёросысь «Гербер» фольклор ансамбль, со сюан но буре ваён йылолъёсты возьматоз, мунёосты лэсьтонъя мастер-класс ортчытоз. Уйпал удмуртъёслэсь веник керттон но пӧйшуран йылолъёссэс возьматоз Дэбесысь «Шудбур» ансамбль», — вераз Удмурт Кенеш» огазеяськонлэн Санкт-Петербургысь но Ленинград улосвылысь ёзэтэзлэн кивалтӥсезлэн воштӥсез Богдан Владыкин.
Озьы ик Дэбесысь чеберлыко киужъёсты ваёзы. Аслэсьтыз быгатонлыкъёссэ возьматоз Санкт-Петербургысь удмуртъёслэн «НЕВСКИЙ ИТАЛМАС» ансамбльзы. Удмуртиысь Богдан Анфиногенов «Супер удмурты» кырӟанзэ быдэстоз.
Со сяна, «Удмуртия — ошмесо шаер» конференци ортчытыны чакламын.
«Конференциын луозы ивортодэтъёс, кызьы ужа «Малые народы большой Родины» ӵектос, кызьы соос тодматскизы милемын. Собере, кызьы ми ужаськомы Санкт-Петербургысь Йӧслыкъёслэн юртэнызы, кызьы соос Удмуртиысь Калыкъёслэн эшъяськон юртэнызы тупанкыл гожтӥзы (со гужем вал Ижкарын). Ми Петербургын кык ар ужаммылы йылпумъянъёсын тодматом», — вераз Богдан Владыкин.
Фестивальлэн радлыкез:
11-тӥ шуркынмонэ Санкт-Петербургысь Йӧслыкъёслэн юртазы (Моховой ульча, 15)
12-тӥ шуркынмонэ «Рыбацкий» культура дворецын (Рыбацкий проезд, 2)
Ужрадъёсы пыронэз эркын.