Удмуртилэн делегациез Сочиын Егитъёслэн но студентъёслэн дунневыл фестивалязы ужзэ азьланьтэ

Делегацилэн ёзчиосыз со нуналэ «Формула-1» автодромлэн трассаяз «Матч ТВ» телеканалэн радъям ӵошатсконъёсы пыриськизы. Удмуртиысь Юрий Николаев 4 иськеме бызьылонын куинетӥ инты басьтӥз. Twitterбамаз сое ӟечкылаз Удмуртилэн тӧроез Александр Бречалов.

Со сяна, фестивальлэн валтӥсь медиа-центраз делегатъёс Россиысь кунсьӧр ужъёсъя министрен Сергей Лавровен но КПРФ-лэн азьветлӥсеныз Геннадий Зюгановен пумиськизы. «Гражданская платформа развития» площадкаын ляб тазалыко нылпиос понна «Я Есть!» фондэз кылдытӥсьёсын, артистъёсын Ксения Алфёроваен но Егор Бероевен кенешон ортчиз.

Удмуртиысь студентъёс озьы ик пумиськизы гожъясен Сергей Лукьяненкоен, крезьгурасен Игорь Бутманэн но кинорежиссёрен Владимир Меньшовен.

http://udmurt.media/udm/news/sport/25853/