Удмурт йӧскалык фестиваль ортчоз Вятские Поляны карын

    Удмурт йӧскалык фестиваль ортчоз вятские поляны карын 1

    Киров улосвылын таӵе ужрад кыкетӥзэ ортчоз ни. Камсьӧр удмуртъёслэн йӧскалык центрзылэн кивалтӥсез Флюра Чибышева верамъя, ӵапак Вятские Поляныысь азьветлӥсьёслэн тыршеменызы Киров улосвылын удмурт лулчеберетэз но кылэз улӟытон кутскиз.

    «Киров улосвылын удмуртъёслэн кылзы, лулчеберетсы сямен ик, удмуртъёс тросэн улон интыын, кылсярысь, Слободской ёросын, ыштэмын ни вал шуыны луоз. Но Вятские Поляныын удмурт движение ӝутскемен, улосвылын югдур воштӥськиз. Берло аръёсы отысь удмуртъёс кунысь пӧртэм ужрадъёсы пумен ӵемгес пырисько», — вера Флюра Чибышева, Камсьӧр удмуртъёслэн йӧскалык центрзылэн кивалтӥсез.

    «Бускельёсын пумиськон» улосвылкуспо фестивале этнографи, фольклор коллективъёсты но быдэстӥсьёсты, чеберлыко киужъёсын вырись усточиосты ӧтё.

    https://udmurt.media/udm/news/kultura-i-turizm/49418/