Удмурт выжыкылъёсты шудо покчи артистъёс

Толэзь куспын покчиос выжыкыл пуктӥзы. Та дыре Ижкарысь котькуд ёросын пумиськылонъёс ортчо. Дунъясьёс быръё устооссэ – удмурт кылын вераськыны быгатӥсь нылпиосты но тунсыко выжыкылъёсты.

«Удмурт нылкышно кенеш» огазеяськонлэн «Выжы-выжы-выжыкыл» нылпи фестивалез одӥгез кема но усто ужась проектэз луэ. Театр возьматон пыр пинал усьтӥське, солы удмурт кылэз дышетон но гажан мылкыд пыӵа.

«Нылпиос туж чаляк, вакчи дыр куспын дышо котькыӵе кыллы. Юнме уг шуо уг, пӧртэм кылъёслы 5 арескозь дышетоно шуыса. Ми сое зэмзэ но адӟиськомы та фестивальын», – шуэ Надежда Степанова «Удмурт нылкышно кенеш» огазеяськонлэн кивалтӥсез.

Ижкарысь 195-тӥ нылпи садэ ветлӥсь покчиос «Музъем дорын куноын» выжыкылэз 3 арня пала дасясязы, выжыкылзы адӟымон пӧрмиз.

Одӥгзэ но фестивалез уг кельто 112-тӥ нылпи садысь покчиос. Таязэ соос “Лы корка” выжыкылэз возьматӥзы. Ужрадэ пыриськыны мылкыд карись пиналъёс пӧлын зэмос быръёнъёс ортчизы. Ватонэз ӧвӧл, фестивале пыриськем нылпиос удмурт кылын уг верасько.

Ижкарысь нылпи садъёс сяна, ужрадэ пыриськизы Пичи Пурга черкогуртысь нылпи садъёс но.

Покчи артистъёс – вормисе потэм нылпи садъёс – пумиськозы эшъяськон юртын гудырикошкон толэзьлэн пумаз.

http://www.myudm.ru/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий