Удмурт выжыкылъёс «Дуннеысь калыкъёслэн выжыкылъёссы» аудиобичетэ пырозы

Удмуртиысь Йӧскалык лыдӟетъюртлэн пресс-службаез ивортэмъя ӵектослэн ужпумез — вераны, дуннеысь вань калыкъёслэн дунлыкъёссы огкадесь шуыса, соос туж валамон возьматэмын, нырысь ик, калык творчествоын.

Кызьы верамын ивортонын, ожгар журналист Алексей Самолётов «пӧсь» интыосын ужакуз калык эпосэз но гожъяз. Озьы бичетэ Индиысь, Бирмаысь, Афганистанысь, Япониысь но Кореяысь выжыкылъёс пыризы ни. Али ӵектослэн авторез Россиын улӥсь калыкъёслэсь выжыкылъёссэс гожъя, нош Удмуртия — нырысетӥез улосвыл, кытысь калык эпос солэн ӵектосаз шедёз.

Выжыкылъёсты быръёнэ дышетскисьёс, дышетӥсьёс но анай-атайёс пыриськизы. Гожтон Мерлыко продюсирования «Журавейник» центр юрттэмен мынэ. Аудиодисклэн нырысетӥ кылзӥсьёсыз синтэм но шуг-леке сюрем пиналъёс луозы.

15-тӥ южтолэзе Алексей Самолётов Ижкарысь 53 номеро школаын дышетскисьёсын пумиськоз но соосты ӵектосэныз тодматоз.

Ивортодэтъя «Удмуртия» агентстволэн сайтысьыз басьтэмын: https://udmurt.media/udm/news/obshchestvo/33315/

Поделитесь с друзьями:

Журналист, редактор, контент-менеджер сайта, СММ специалист, оператор-постановщик интернет-телеканала "Даур ТВ"

Дом Дружбы народов
Добавить комментарий