Удмурт Википедия вожвылъяськон ялэ

    Удмурт википедия вожвылъяськон ялэ 1

    Википедия — со ивор люкан-шедьтон амал. Кулэлыкез туж бадӟым. Удмурт люкетэзлы но кулэяськон вань. Но туннэлы сое статьяосын узырмытон бордын Элькунамы 20 пала гинэ адями тырше.

    «Со туж ӧжыт – шуэ удмурт Википедилэн администраторез Андрей Рябин. – Адямиос уг тырмо. Со уже пыриськон понна мултэсэн номыр ик кулэ ӧвӧл ке но. Солэн вань администраторъёсыз, быгатӥсь гожъяськисьёсыз. Соос котьку дась юрттыны».

    Удмурт Википедилэн 4 гинэ администраторез. Огез соос пӧлысь Андрей Рябин. Улэ но дышетске Алнаш ёросысь Ӟатчалан. Удмурт Википедиез узырмытон бордын тыршись тужгес но егитэз ӧнерчи луэ. Кык ар талэсь азьло статьяос гожъяны-тупатъяны кутскиз, нош али кивалтӥсь чотын ни.

    Алнаш ёросын ик удмурт Википеди бордын тырше «Алнаш куара» газетысь корресопндент Елена Рябина. Егит журналистлэн пусъемезъя, Финн-угор калыкъёс куспын пӧртэм ӧръёсын вожвылъяськон мылкыдъёс шӧдӥсько. Википедиын но со вань. Дарт, ӵошатскон котьку но азинскыны юрттыны кулэ. 

    «Конкурс удмурт Википедиез йылтон понна ортчытӥське, — шуэ Елена Рябина. — Со туннэ асьмелэн уг азьланьтӥськы. Кызьы вал 5 ар талэсь азьло, соимында ик али но. Шуом, Карелиысь Википедия ар куспын 2000-лэсь ятыр статьяос гожтӥз, милям араз мырдэм100 пала люкаське. Та луоз нырысетӥез конкурс, со возьматоз, кутскозы-а уз-а гожъяськыны удмуртъёс».

    Вожвылъяськонлы йылпумъян гужемлэн кутсконаз лэсьтозы. Быръёзы тужгес трос но тужгес усто статья гожтэмъёсты.