Удмурт видеоблогъёс кылдозы «Аныкай» медиамастерскойын
Удмурт нылпиос удмурт видеоблогъёсты ӵемгес учкыны кулэ. Таӵе малпанэн уло «Куара» огазеяськонлэн ёзчиосыз.
Удмурт кылын видеблогъёс тросгес мед луоз шуыса, огазеяськонлэн ёзчиосыз «Аныкай» медиамастерскойлэсь ужзэ мытӥзы. Со улонэ пыӵалоз Россиысь егитъёсын ужанъя федерал агентстволэн юрттэменыз.
Проект улсын «Куараос» дышетозы егит анай-атайёсты видео пуктыны но монтаж лэсьтыны, видеоужъёсты калыке вӧлмытыны. Практикумын нылпиосын ӵош удмурт кылын блогъёс дасямын луозы.
«Аныкае» пыриськон понна куриськонъёс 25-тӥ гудырикошконозь кутӥськозы.