Удмурт, ӟуч но нылпи спектакльёс возьматӥз Удмуртиысь йӧскалык театр Сыктывкарын

Кызьы ивортэ Удмуртиысь йӧскалык театрлэн пресс-службаез, вошъяськон гастрольёс улсын элькунысьтымы актёръёс удмурт кылын «Эрико яратон», ӟуч кылын «Капитанская дочка» но нылпиослы «Царевна-Лягушка» спектакльёсты возьматӥзы.

Таланто творческой адямиосын асьсэ учкисьсэс но сценаез яратонэн кылдытэм театр возьматонъёсты Сыктывкарын улӥсьёс вылӥ дунъязы.

Тодэ вайытом, туэ оштолэзе Комиысь артистъёс Удмуртиысь йӧскалык театрлэн сцена вылаз коми кылын «Женись, сынок, женись», ӟуч кылын «Жизнь с привилегиями «навечно» но пиналъёслы «Ксюша да инопланетянин» спектакльёсты возьматӥзы.

Вошъяськон гастрольёс Россиысь лулчеберетъя министерстволэн но Гастрольёслы юрттэт сётонъя федерал центрлэн «Большие гастроли — 2018» федерал ӵектоссы улсын радъясько.

Пусъём, Удмурт театрлэн вошъяськон гастрольёсыз Сыктывкаре ветлонэн уз йылпумъяське. Инвожое удмурт артистъёс Карелилэн шоркараз — Петрозаводске — мынозы. Отын соос «Алые паруса», «Эрико яратон» но «Конёк-Горбунок» спектакльёс пуктозы. Нош Карелиысь артистъёс Ижкаре куарусёнэ лыктозы шуыса чакламын.

Тодэ вайытом, 2017-тӥ арын Удмуртиысь театрлэн Марий Элысь но Коми-Пермяк округысь театръёсын вошъяськон гастрольёсыз ортчизы.

https://udmurt.media/udm/news/kultura-i-turizm/36913/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий