Удмурт центр усьтозы но бард кырӟанъя фестиваль радъялозы Пичи Пурга ёросын

 Удмурт центр итыяськоз Тыло гуртысь Самсоновъёслэн музей-юртазы. Сыӵе киӵӧлтонэн потӥз «Удмурт Кенешлэн» Пичи Пурга ёросысь ёзэтэз.

Центрез усьтыны чакламын 24-тӥ куарусёнэ 11.00 часын.

Та нуналэ ик музей котырын удмурт кылын бард кырӟанъя «Тылобурдо» фестиваль ортчоз. Ужрад туэ витетӥ ползэ радъяське ини. Отчы мылкыд карисьёс пыриськыны быгатозы 14 аресысен. Куриськонъёсты куто 8 (34138) 42439 телефон номеръя. Пыр-почгес фестивальлэн Положенияз.