Дом Дружбы народов

    Удмурт семьяе — куное

    Удмурт семьяе - куное 1

    «Голубь мира. Одна страна – одна семья» проект Дэбес ёросысь 6-тӥ тулыспалэ ужзэ мытӥз. Со ёросын улӥсь выжы калыкъёслэсь сям-йылолъёссэс утён, соосын мукетъёссэ тодматон вылысь радъяське.

    Проект улсын йӧскалык лулчеберетъя огазеяськонъёслэн ёзчиоссы азербайджан, армян но мукет семьяосы вуылӥзы ини.

    Таяз радэ Удлем гуртысь Докучаевъёс доры ветлӥзы «Удмурт кенеш» огазеяськонлэн ёрос ёзэтэзлэн, азербайджанъёслэн «Достлуг» огазеяськонзылэн, ӟуч лулчеберетъя обществолэн но бигеръёслэн «Ипташляр» огазеяськонзылэн ёзчиоссы.

    Нина Докучаева кунооссэ ӟеч удмурт сямъя пумитаз. Экспедицие пыриськисьёс перепеч, табань, киренен аръян, ӝуко мильым, шунянь веръязы. Люкаськемъёслы кузё кышно удмуртъёслэн куно пумитан сямзы сярысь вераз, кытын валтӥсез луэ кырӟан. Нош Нина Докучаевалы юрттӥзы гутысь ик «Льӧмпу сяськаос» ансамбльысь артистъёс. Соос кӧня ке кырӟанъёссэс быдэстӥзы.