Удмурт покчи нылпиос понна «Мудорвай» конкурс ортчоз Татарстанын

Удмурт покчи нылпиос понна "мудорвай" конкурс ортчоз татарстанын 1 Иворъёс

Таяз радэ вожвылъяськонэ быдэсь шаерысьтымы пичиосты возьмало. Та дыре куриськонъёсты кутон мынэ. Со сярысь ивортэ Татарстан Элькунысь удмуртъёслэн йӧскалык лулчеберетъя автономизы.

Вожвылъяськонэ пыриськыны ӧтё удмурт калыклэн лулчеберетэныз тунсыкъяськись нылпи садэ ветлӥсь но покчи классъёсын дышетскись пиналъёсты. Соос быгатонлыкъёссэс пӧртэм номинациосъя возьматыны быгатозы:

— «Удмурт выжыкыл» темая суред;
— Удмурт калык эктон;
— Удмурт кылын кырӟан. Коллектив;
— Удмурт кылын кырӟан. Нимаз быдэстӥсьёс;
— Удмурт кылын кылбур лыдӟон.

Вожвылъяськонэ пыриськон понна 23-тӥ коньывуонозь ссылкая https://forms.gle/kRLQqHPhuQSPoAuF6 заявка келяно.

Вожвылъяськон сярысь пыр-почгес положениын гожтэмын.

Поделитесь с друзьями:
Дом Дружбы народов