Удмурт пиналъёслы «Шудкар» лагерь ортчытӥзы Пичи Пургаын

Сменалэн кутсконаз нылъёс но пиос команда кылдытонъя мастер-классэ пыриськизы, «лэпбукъёсын» тодматскизы. Нош валтӥсь темаез – пиналъёсты ёросысь гуртъёслэн йылолъёсынызы тодматон. Со сяна, туэ сменае пыриськисьёс Пичи Пурга ёрослы 90 ар тырмонлы сӥзем ӵектосъёс бордын ужазы.

“Таӵе смена ортчытонлэн валтӥсь ужпумез нылпиосты удмурт кылын вераськытон бордын. Милям черкогуртамы трос ӟучомем пиналъёс. Но гуртъёсысь нылпиосын пумиськыкузы соос тросгес удмурт сямен вераськыны кутско, возьдаськемысь дугдо. Милям ужпуммы ӵапак со бордын – ог-огенызы вераськытон, кылмес будӥсь пиналъёсмылы пыӵатон бордын”, – вера Нина Верещагина, сменаен кивалтӥсь, удмурт кылъя дышетӥсь.

Лагерьлэн ужанрадлыказ тодон-валан сётӥсь экскурсиос но пумиськонъёс пыртэмын. Ёрос музейын ужасьёс пиналъёсты удмурт калык дӥсьёсын «Удмурт дэрем» адӟытонэн тодматӥзы. Озьы ик дышетскисьёс черкогуртысь историен герӟаськем интыосы вуылӥзы. Сменаез медиа мастер-классъёсын йылпумъязы: нылпиос видеосузьетъёс лэсьтӥзы, газетэ заметкаос гожъязы но школаын радио кылдытон пумысен кенешизы.

https://udmurt.media/udm/news/obrazovanie-i-nauka/58609/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий