Удмурт педагогикалэн но журналитикалэн атаезлы — Иван Михеевлы вордӥськемез дырысеныз 140 ар тырме.

    Иван Михеев вордскем дырысен туэ 140 ар тырмиз. Татарстанысь Ошторма-Юмья гуртын будэм мурт улытозяз удмуртъёслэсь но пичи лыдъем калыкъёслэсь улонзэс радъяны, йӧскалык дышетон удысэз азинтыны тыршиз. Ог вакытэ удмурт чеберлыко литературалы но, удмурт журналистикалы инъет сетӥз. 

    «Иван Михеев 2 кылъем дышетон удысэз методика ласянь азьланьтӥз ӟуч луисьтэм пиналъёс кык кылын вераськыныны мед быгатозы шуыса, — вера Элькунысь йӧскалык дышетонъя институтлэн директорезлэн воштӥсез Вера Пантелеева. — Удмуртъёс удмурт кылын, поръёс пор кылын, бигеръёс бигер кылын вераськем сяна, ӟуч кылэз но мед тодозы. Трос дыр ортчиз ини, но Михеевлэн мытэм ужез туннэ но асьмелы туж кулэ. Но али югдур мукетгес луиз – ӟуч кылэз пӧламы тодӥсьтэмез ӧвӧл. Асьмеос табере утьыны кулэ удмурт кылмес».

    Конференци улсын Иван Михеевен дасям удмурт кылъя нырысетӥ учебникез но книгаосыз адӟытонэ поттэмын. Кызьы тодосчиос пусъё, 1917-тӥ арозь солэн 30 пала книгаосыз потӥзы. Революци бере эщщо 40-лэсь тросэз.