Удмурт пӧраськонъя музей-юрт ужа Быгиын

Нырысетӥосыз экспонатъёс луизы юртъер котырын кутӥськись 100-лэсь ятыр арбериос. Со сяна удмурт дэремъёс, чушконъёс, выж лёгетъёс, шобыретъёс. Ваньзэ соосты люказы гуртын улисьёс.

1-тӥ шуркынмонысен музее лыктыны быгато вань мылкыд карисьёс. Соослы нимысьтыз «Козма корка пыронэ ӧтчаське» программа дасямын. Со сяна та толэзь ӵоже пӧраськонъя мастер-классъёс ортчылозы. Нырысетӥез ик сӥземын луоз уйпал удмуртъёслэн юонзылы — варсь пӧзьтонлы. Нош мукетаз мастер-классын вӧй шукконэз возьматыны чакламын.