«Удмурт нылкышно кенеш» ортчем арлы йылпумъянъёс лэсьтӥз

    Фото удмурт нылкышно кенеш, елена миннигараева, дом дружбы народов

    Огазеяськонлэн выльдэм кивалтэтэз 3 толэзь ӵоже трос ужъёсты но ӵектосъёсты быдэстӥз:

    • «Нылкышно ке шуисько» фотомарафонэз ортчытон (пыриськизы быдэс элькунысь гуртъёсын улӥсь нылкышноос, вуизы 900-лэсь трос туспуктэмъёс, быръемын 8 вормись)
    • «Пичи Чеберайёс но Батыръёс» фестиваль-конкурсэз выль форматэн радъян (элькунысь 170 нылпи сад пыриськиз, 1 сюрс пала пичи видеоужъёс вуизы, нылпиос понна яркыт Выль ар праздник радъямын, 50 пинал кузьымъёсын пусъемын)
    • Удмурт съездын «Удмурт нылкышно кенешлэн» секциезлэн ужез. Секциямы гуртын улӥсь нылкышноослэн но нылпиослэн тазалыксылы сӥзем рос-прос доклад лэсьтӥз Медициная кун академиысь врач, медицина наукаосъя доктор М. К. Ермакова (докладэз, презентацизэ учкыны луоз Вконтакте группаысьтымы Удмурт нылкышно кенеш документъёс пӧлысь);
    • «Анаелы гожтэт» акция (Анаедлы гожтэт анай кылыныд гожтоно вал. Туж шуныт акция пӧрмиз. Интернет вотэсын трос гинэ сюлме пырымон удмурт гожтэтъёс кылдӥзы)
    • «Мон лыдӟиськисько удмурт сямен!» челлендж (Удмурт кыллэн нуналэзлы сӥзем та ӵектосамы кӧня адями пыриськиз, вераны но ум быгатэ — угось ӧм лыдъялэ. Туж трос! Со удмурт кылэз но удмурт книгаез данъян луиз)
    • «Удмурт дунне» газетын «Ибырвесь» нимысьтыз баммес кылдытон;
    • Удмурт нылкышноослэсь огъя сюлмаськонъёссэс тодон понна шаерамы опросъёс радъян но мукет.