Удмурт лулчеберетъя ӝыт ортчоз Пермь улосвылын

Азьмуртлэн фондысьтыз грант утэм ӵектос Пермь улосвылысь пиналъёсты удмурт калыклэн лулчеберетэныз тодматонъя ужрадъёсты огазеяз.

“Отын пыртэмын вал удмуртъёслэн йылолъёссы. Мастер-классъёс ми возьматъямы, кызьы уксётӥрлык лэсьтӥське, кыӵе пужыятӥськонъёссы вань удмуртъёслэн. Ӟустариослэсь шобрет дышетӥм вурыны. Сюан йылолъёсты возьматӥм школаысь покчи но бадӟым классъёслы”, – шуэ Людмила Филиппова, «Зарни сӥзьыл» ансамбльлэн кивалтӥсез.

Ӵектосэз йылпумъясь ӝытэз радъясьёс «Семейные традиции» нимазы. Пумиськонын Пермь улосвылысь творчествоя 8 коллективъёс пӧртэм йылолъёсты возьматозы. Людмила Филиппова верамъя, пыриськисьёс пӧлын ӟуч коллектив но вань. Со учкисьёсты армие келян йылолэн тодматоз. Озьы ик ужрадын суредаськон конкурслы йылпумъянъёс лэсьтозы.

“Нылпиос суредазы, кызьы соос удмурт лулчеберетэз адӟо. Отчы 6 аресысен 18 аресозь пиналъёс пыриськизы”, – вера Людмила Филиппова.

Ватсалом, «Бабушкин сундучок – кладезь традиций» проектэз быдэстонлы Азьмуртлэн грантъёсъя фондэз 260 сюрс манет пала висъяз.

https://udmurt.media/udm/news/kultura-i-turizm/42496/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий