Удмурт лулчеберетлэн нуналэз ортчиз Ленинград улосвылысь Сестрорецк карын
Ужрад улсын киужъёсын, удмурт кылын книгаосын адӟытонъёс, мунё лэсьтонъя мастер-класс ортчытӥзы. Куноосты ошмесо шаермылэн аспӧртэм лулчеберетэныз тодматӥзы, лымшор но уйпал удмуртъёслэн воргорон но нылкышно дӥсьёссы сярысь веразы.
«Невский италмас» ансамбль удмурт кылын кырӟанъёс быдэстӥз, эктонъя но шудонъя фольклор программа ортчытӥз.
Озьы ик вань люкаськемъёс удмурт пӧрамъёсын кунояськизы.
Ужрадэз Санкт-Петербургысь, Ленинград улосвылысь но Уйпал но шундыпуксён федерал округысь «Италмас» удмурт землячество, «Удмурт кенеш» огазеяськонлэн Санкт-Петербургысь но Ленинград улосвылысь ёзэтэз радъязы.