Удмурт кырӟанъёс чузъяськозы анай кыллэн нуналэзлы сӥзем ӝытын Казаньын

    Удмурт кырӟанъёс чузъяськозы анай кыллэн нуналэзлы сӥзем ӝытын казаньын 1

    Удмуртиысь Suomi коллектив поп-крезьгурез инди но этно ӧръёсын сураса шудэ. Ӵектослэн кырӟанъёсыз удмурт кылын чузъясько но ӵемысь калык гуръёс вылэ инъясько. Группа 2017-тӥ арын кылдӥз. Со дырозь ӵектослэн ёзчиосыз IB&4CP (Ivan Belosludcev & 4 Cheber Pios) проект улсын валче ужазы, Удмуртиын но Финляндиын концертъёсын шудӥзы. 2012-тӥ арын крезьгурасьёс Liet International фестивале Испание ветлӥзы.

    Suomi группа сяна, Татарстанлэн шоркараз ортчоно ужрадын Волга котырысь улосвылъёсын улӥсь калыкъёслэн кылынызы кырӟасьёс пыриськозы. Соос пӧлын Бигерысь Juna коллектив но Чувашиысь Вера Кожемановалэн группаез. Классика джаз, электропоп, экспериментальной инди-фолк амалэн бигер, удмурт, чуваш кырӟанъёсты Туала искусствоя галереяын кылзыны луоз.

    Ватсалом, анай кыллэн нуналэзлы сӥзем ӝытэз «Бигер егитъёслэн дунневыл форумзы» огазеяськон, Татарстанысь удмуртъёслэн йӧскалык лулчеберетъя автономизы но Бигерысь чувашъёслэн автономизы бордын ужась егитъёслэн «АТАЛАН» движенизы радъяло.

    https://udmurt.media/udm/news/kultura-i-turizm/50777/