Удмурт кырӟанъя «Ӝужась кизилиос» конкурс тямысэтӥзэ ортчоз Башкортостанын

Та вожвылъяськон удмурт лулчеберетэз утён но кырӟасьёсты азинтон понна радъяське.

«Соос асьсэлэсь йылолъёссэс мед утёзы шуыса, асьсэлэсь быгатонлыксэс, чеберлыко вкуссэс узырмытон понна. Таланто егит кырӟасьёсты шедьтон но соослы юрттон понна», — шуиз Башкортостанысь Историяя но лулчеберетъя удмурт центрысь ӧнерчи Ксения Милиятова.

Жаляса верано, арысь аре «Ӝужась кизилиос» конкурсэ пыриськыны мылкыд карисьёс ичиомо, шуэ радъясь. Нырысетӥ аръёсы ужрадэ ог 50 кырӟасьёс люкаськылӥзы, кылем арын 20 пала адями пыриськиз. Али пыриськыны мылкыд карисьёсты пусъён мынэ. Та дыре конкурсэ Татышлы, Янаул, Калтасы, Балтач ёросъёсысь но Пермь шаерысь 13 кырӟасьёс вуизы ни.

Тодэ вайытом, Башкортостанысь удмурт нылаш Анастасия Самигулова «Miss International — Ufa» элькун конкурсын «Мисс Этно» ним басьтӥз.