Удмурт кырӟанъя «Элькуновидение 2019» вожвылъяськонлы кутскон сётэмын

Коньывуон толэзьлэн нырысетӥ шутэтскон нуналъёсаз «Элькуновиденилэн» быръён люкетэз ортчоз. Со пыр потэмъёс асьсэлэсь быгатонлыкъёссэс сцена вылын возьматозы 19-тӥ коньвуонэ. Конкурслэн валтӥсь куронъёсыз ӧз воштӥське.

«Котькуд ёросысь но карысь «Элькуновидение» пыриськыны быгатэ одӥг гинэ кырӟась яке коллектив. Со быдэстыны кулэ ас ёросысьтыз ик авторъёслэсь гожтэм, кылдытэм кырӟанзэс. Вормисьёсты быръён азьвыл аръёсы сямен ик мыноз кык люкетэн. Нырысетӥез — концерт люкетэз — 19-тӥ коньывуонэ, нош йылпумъян люкетэз ортчоз меӵак телеэфирын. Котьку сямен со ортче Элькунмылэн кунлык басьтон нуналаз 4-тӥ шуркынмонэ», — вера «Элькуновидение 2019» вожвылъяськонэз одӥгез радъясь Светлана Пикулева.

http://www.myudm.ru/