Удмурт кылын гожъяськисьёс пӧлын конкурс ялэмын

Тодады вайытом, нырысетӥез конкурс миым ортчиз. Вожвылъяконэ 100 пала уж вуиз. Быръемын вал 10 тужгес кужмоосыз.

Туэ конкурс 7 номинациосъя ортчоз:

– Тужгес устоез паськыт жанръя гожтэм произведение (повесть, роман) – 30 сюрс манет;

– Тужгес устоез пичи прозаен  гожтэм произведение (верос, новелла, очерк, эссе но мукет) – 15 сюрс манет;

– Тужгес устоез кылбур произведение (кылбур, поэма) – 20 сюрс манет;

– Тужгес устоез драмая произведение (пьеса) – 20 сюрс манет;

– Тужгес устоез нылпиослы произведение (верос, кылбур, драма) – 15 сюрс манет;

– Тужгес устоез критикая но литературая статья – 15 сюрс манет;

– Тужгес устоез удмуртысь ӟуче берыктэм уж (верос, кылбур, драма) – 15 сюрс манет.

Одӥгез валтӥсь курон – ужъёс удмурт кылын но та дырозь нокытын печатламтэ луыны кулэ. Текстъёсты электорон амалъя яке печатласа 10-тӥ шуркынмонозь кутозы.

Произведениосты таӵе адресъя ыстоно: Удмурт Элькун, Ижкар, Пастухов ульча, 13-тӥ юрт. Озьы ик e-mail: Kenesh-udm@yandex.ru.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий