Удмурт кылын экскурсиос

Радъямын вал соос кылем арын, анай кыллэн нуналэзлы сӥзьыса. Уж туэ но азьланьтӥське. Но музей кивалтӥсь жаляса пусъе, удмурт кылын экскурсиез курисьёс трос ӧвӧл.
 
«Набат памяти» — ожгар подвиглы сӥзем музей. Татын 200-лэсь ятыр фронтысь гожтэтъёс утисько, соос пӧлын вань удмурт кылын гожтэмъёсыз но.
 
«Мукет экспозициосты удмурт сямен вераны секытгес, отын троссэ терминъёсты берыктыны уг луы, — вера Можгаысь «Набат памяти» музеен кивалтӥсь Василий Степанов. — Нош татын ми лыдӟиськом удмурт кылын гожтэм чуръёсты. Соосты лыдӟыны кутскиськод ке, дугдыны уг луы ни. Сокем соос мур пуштросоесь. Но ар ӵоже удмурт кылын экскурсиез 2 пол гинэ ортчытим ай. Вуылӥзы Вуж Березнякысь но Кватчиысь пиналъёс. Собере вазиськисьёс ӧй вал».
 
Фронтысь ыстэм гожтэтъёсысь чуръёс пушкын бадӟым ивортон утиське. Соос ожгарчи сярысь, быдӟым атыкай ожлэн мынэмез сярысь троссэ шараяло. Та адӟытонэ ӵемысь лыкто Можга педколледжысь студентъёс но ёросысь школаосын дышетскисьёс.