Удмурт кылъя курсъёс ужаны кутскозы Ижкарысь Надежда Крупская нимо лыдӟиськонниын

«Вить адями пиналъёс, ньыль бадӟымъёс али мынам гожтэмын, – вера курсъёсты нуись, лыдӟиськонниын ужась, кылосбурчи Июлия Хохрякова.- Мон бадӟым группа уг люкаськы, 7–8 адями луиз ке, мыным со туж окмымон ни. Кык группа, 7–8 пиналъёс но сомында ик бадӟымъёс».

Июлия Хохрякова ужаз «Марым, лэся» но «Лабыр-лабыр лабыртом!» книгаосты кутэ.

Лыдӟиськониен радъяськись таосыз курсъёс кыкетӥосыз луозы ни. Дышетӥсьлэн верамезъя, удмурт кылэз чик тодӥсьтэмъёс но курсъёс бере вераськемез валаны, вакчи предложениос кылдытыны быгато.

«Удмурт кылын тани верасько ке, соос валаны кутскизы, мар сярысь верасько. Кыӵе дырын соос верасько — али дырын-а, ортчем дырын-а. Асьсэос простой предложениосын вераськыны дышизы, гожъяськыны, чебер лыдӟиськыны дышизы удмурт кылын. Нырысь ми букваосты — ӝ, ӟ букваосты — лыдӟыны дышетскиськом, собере ини правилоос борды кутскиськом», — валэктӥз со.

Нялтас вераса, нырысетӥосаз курсъёсы ветлэмъёс тодонлыкъёссэс юнматыны мылкыд каризы на.

«Кыкез гожтӥськизы кылем арын ветлэмъёс. Гужем куспын ваньзэ вунэтӥм, пе, эшшо лыктом на шуизы. Нош кыкез чик уг тодо удмуртэз. Кылем арын пиналъёс ветлӥзы, соос ваньзы Кузебай Герд школаын нырысетӥ классэ мыно вал, удмурт кылэз уг тодо. Соос озьы гожтӥськизы, анайёссы но гожтӥськизы бадӟымъёслэн группаязы. Одӥгез-кыкез шуо, али удмурт кыл туж популярной, тодэмзы потэ удмурт кылэз, татын уло шуыса», — курсъёсы ветлыны мылкыд карисьёслэсь мугъёссэс шараяз Июлия Хохрякова.

Озьы ик ватсаз, курсъёсы тросгес егитъёс мед лыктозы вылэм шуыса, «егитъёсын тунсыкогес ужаны».

http://udmurt.media/udm/news/obrazovanie-i-nauka/24148/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий