Удмурт кылъя дунтэк курсъёс кутскозы Удмуртиын 2-тӥ коньывуонэ

    Удмурт кылъя дунтэк курсъёс кутскозы удмуртиын 2-тӥ коньывуонэ 1

    Дышетскон 3 толэзь — коньывуонысен толсурозь — кыстӥськоз. Занятиос 5 интыын ортчозы:

    — Калыкъёслэн эшъяськон юртазы (Орджоникидзе нимо урам, 33а);

    — Гуманитарной лицейын (Шишкин нимо урам, 3);

    — К. Герд нимо удмурт йӧскалык гимназиын (Петров нимо урам, 19);

    — Удмурт кун университетын (Университетской урам, 1);

    — Флор Васильев нимо лыдӟетъюртын (Пионерилы 50 ар урам, 22).

    27-тӥ куарусёнэ 18 часын Калыкъёслэн эшъяськон юртсылэн 2-тӥ этажаз дышетскыны мылкыд карисьёс понна нырысетӥ пумиськон ортчоз. Отын ужрадлыкен но дышетӥсьёсын тодматозы.

    Тодэ вайытом, удмурт кылэз дышетонъя курсъёсты радъян понна Йӧскалык политикая министерство коньдон висъя. Кылем курсъёс элькунмылэн шоркараз но куд-ог ёросъёсаз ортчизы. Азьвыл занятиос 1-тӥ коньывуонэ кутскозы шуыса ивортӥзы.

    http://udmurt.media/udm/news/obrazovanie-i-nauka/24874/