Удмурт кыллэсь нуналзэ пусъём 27-тӥ шуркынмонэ
Туэ 18 куартолэзе Алабгоын ортчиз Россиысь удмуртъёслэн Нырысетӥ ӧтчамзы дырысен 100 ар тырмонэзлы сӥзем улосвылкуспо научно-практической конференциын вань делегатъёс солы дурбасьтӥзы. Но юанъёс кылизы вал со нуналэз быръёнъя.
Ӟеч ӵектон сётӥзы Москваын улӥсь удмурт егитъёс — Удмурт кыллэсь нуналзэ пусъёно 27-тӥ шуркынмонэ. Та толэзь удмурт калык понна зэмзэ но висъяськымон луэ: 2001-тӥ арын та нуналэ Удмурт Элькунын кутэмын Кун кылъёс сярысь сярысь кат, солы луыса, удмурт кылмы асьме шаерын кун кыл луиз. 70 ар вис луыса, та толэзе удмуртъёс выльысь люкаськизы асьсэлэн ӧтчамазы.
Озьы удмурт кыллы сӥзьыса, шаерамы но Москваын, Венгриын трос пӧртэм ужрадъёс ортчытыны чакламын: удмурт кыллэн историез но азинскемез сярысь лекциос, конференциос, шудонъёс. Шаерысьтымы котькуд школаын удмурт кылэз вӧлмытонъя кыӵе ке ужрад яке урок ортчоз.
“Удмурт кенеш” ӵектэ удмурт кылэз тросгес кутыны транспортын, рекламаын, котькудмылэн ужан интыямы. Тунсыко ужрадъёс ортчытон сярысь малпасько Удмурт кун университетын но К.Герд нимо гимназиын.
“Удмурт Кенеш огазеяськонлэн Тӧроез Татьяна Ишматова лыдъя, таӵе нунал одно кулэ – сое валасьёс, гажасьёс тросгес мед луозы, мед огазеяськозы шуыса. Удмурт кылмес яратэммес верам сяна, вераськом солэн сюлэмшугъяськытӥсь палъёсыз сярысь но.