Удмурт кылэз дышетонъя онлайн-курсъёс ужаны кутскозы

Элькунысь йӧскалык политикая Министерство ивортэмъя, котькуд мылкыд карись понна удмурт кылэз дышетыны луонлык кылдоз телевидение но интернет пыр. «Мынам Удмуртие» тилеканалын сыӵе проект ар пумозь эфире потоз, нош та нуналъёсы вотэсын онлайн-курсъёс усьтӥськозы. Но кылэн тунсыкъяськисьёслэн дышетскон амал утчанъя шугъяськонъёс уг кылдо. Туннэ вотэсын трос пӧртэм урокъёс радъясько — видео, аудио, удмурт кылэз тодисьёсын интернет пыр герӟаськылыса. Та ӧръя тунсыко проект кылдытӥз "Шунды" огазеяськон но.

Вера «Чингыли» ӵектосэз кылдытӥсь Анастасия Тутаева:

«Со луоз дышетон программаослы ватсэт, кудӥзъя кылъёсты, кыллюкетъёсты дышетыны луоз. Со сяна пӧртэм видеоурокъёс борды пыртэмын луозы шудонъёс. Соосъя пиналъёс сиён-юонъёсты, диськутэз, мылкыдэз, буёлъёсты, инкуазь кылъёсты дышетозы».

"Чингыли" нимо ӵектосэн вань мылкыд карисьёс тодмасткыны быгатозы ни ар пумын. Покчи классъёсты дышетисьёслы — юрттэт, школае мыныны дасяськись пиналъёслы — удмурт кылэн тодмасткыны-дышетыны тунсыко амал. 10 уроклы люкем ӵектос пӧртэм ӧръёсты огъялоз — видео, йырвизьсынан шудонъёс, выжыкылъёс, мультфильмъёс.