Удмурт кылэз дышетонъя кружок ужалоз Ижкарын Нылпиослы но быдэ вуымтэослы элькун лыдӟетъюртын

Нырысь ик Ижкарысь одӥг нылпи садэ ветӥлсь пиналъёсын ужаны малпазы, нош вазиськисьёс луизы ке, вань мылкыд карисьёсты кутозы.

6-11 аресъем нылъёс но пиос, озьы ик анай-атайёссы удмурт кылэн, калыклэн лулчеберетэныз, йылолъёсынызы, литератураеныз тодматскыны быгатозы. Со сяна, мунёосын театр возьматонъёс, шара лыдӟонъёс луозы.

“Котькуд пумиськонлэн аслаз темаез, кӧня ке кылъёс луозы со темая – пудо-живот, семья, вордскем шаер, гурт, ульча… Но нырысь ик «Ойдо тодматском» занятиос, со бордысен кутском, ӟечбуръяськыны, ӟечьяськыны кызьы удмурт кылын. <…> Удмурт шудонъёс котькуд занятиын одно ик луозы. Ми библиотека бере, тыршоно книгаосын ужаны”, – вера Надежда Владимирова, «Купанча» кружокез нуись.

Надежда Владимирова верамъя, «Купанча» кружок Нылпиослы но быдэ вуымтэослы элькун лыдӟетъюртлэн ӵектосэз луэ, со азьвыл ужам «Анай кыл» проектэз азьланьтоз.

Дунтэк дышетонъя шуркынмонысен котькуд толэзьлэн кыкетӥ но ньылетӥ кӧснуналаз 12 часысен ортчылозы. Ватсаса юанъёсын 78-56-67 номеро телефонъя вазиськыны луэ (Надежда Георгиевна Владимирова).

https://udmurt.media/udm/news/kultura-i-turizm/43432/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий