Удмурт кылэз дышетонъя гужем школа ужаны кутскиз

Скриншот конференции летней языковой смены УдГУ

Солэн ужаз 12 кузя иностранецъёс пырисько

Удмурт кылэз дышетӥсьёс пӧлын Финляндиысь, Венгриысь, Бельгиысь, Австриысь, Германиысь, Франциысь, США-ысь но Россиысь Марий Эл Элькунысь адямиос. Дмитрий Ефремовлэн верамезъя, ӝыныезлэсь тросэз ужзэс удмурт кылэн герӟало. Куд-огезлэн Удмурт кылъя школае лыктэмзы кемалась потэ ни вылэм, но луонлыкъёссы вылымтэ, соин ик дышетонэз онлайн амалэн радъямлы соос шумпотӥзы, шуиз Школалэн кивалтӥсез Дмитрий Ефремов.

Дышетскисьёсты куинь группалы люкизы: кин удмурт кылэз чик уг тоды (сыӵеос ньыль кузя), кин кӧня ке вала но кинлэн тодон-валанъёссэ муромытэмез потэ. Куинетӥяз, кылсярысь, удмурт кылзэс волято Парижысь шундыӝужанпал кылъёсъя но лулчеберетъёсъя йӧскалык институтысь финно-угроведениея профессорлы но Тарту университетысь тодосъя ӧнерчи Ева Тулуз но Финляндиысь аспирант Томи Койвунен.

ивор дасямын ИА Удмуртиялэн ивортонъёсызъя

Дом Дружбы народов
Добавить комментарий