Удмурт кылэн тодматон урок ортчоз вань мылкыд карисьёс понна Удмуртиын

Удмурт кылын тунсыкъяськисьёслэсь но удмурт кылэз дышетыны мылкыд карисьёслэсь лыдзэс будэтон понна, быдэс элькунын удмурт кылын тодматон урок ортчоз. Урок удмурт кылэз тодӥсьтэм муртъёс понна дасямын луоз.

“Акцие котькин но пыриськыны быгатэ: библиотекаос, школаос, культурая юртъёс. Урок нуисьёс понна Калыкъёслэн эшъяськон юртсылэн сайтаз методической юрттэт интыямын луоз. Сое котькуд дышетӥсь, мылкыд каремезъя, уже кутыны быгатоз”, – Августина Михайлова, Удмуртиысь Калыкъёслэн эшъяськон юртысьтызы методист.

Августина Михайловалэн кылъёсызъя, методикая пособие юрттэт кадь гинэ луоз, соин ик дышетӥсьёс уроксылэсь радлыксэ но пуштроссэ асьсэос бырйыны быгатозы. Урок кылын тодматонлы сӥземын бере, удмурт кыллэсь аспӧртэмлыкез, тунсыко луэмез сярысь вераны дэмлало.

Акцие пыриськыны Калыкъёслэн эшъяськон юртысьтызы методистъёс, удмурт егитъёслэн «Шунды» мерлыко огазеяськонзылэн ёзэтъёсыз мылкыд каризы ини.

Калыкъёслэн Эшъяськон юртазы акци 26-тӥ шуркынмонэ ортчоз.

https://udmurt.media/udm/news/obshchestvo/70168/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий