«Удмурт Кенешлэн» исполкомез ортчиз

Трокай Борисов нимо йӧскалык премиен пусъён ужрад азьвыл «Дэмен» огазеяськон пыр радъяськиз. Отысь кивалтӥсь воштӥськемен, берло дыре со уж аналтэмын вал. Туэ сое выльысь улӟытыны дэмалаз «Удмурт Кенеш» огазеяськон. Премия удмуртлыкен герӟаськем экономика но политика удысъёсын тыршисьёслы сётӥське. Исполкомлэн ёзчиосыз огкылэ вуизы – туэ та нимен данъялозы Валерьян Никитинэз. Со экономика наукаосъя тодосчи, Дэри ёросысь гурт удысъя упралениен кивалтӥсь.

“Удмурт кенеш” огазеяськонлэн данъян книгаяз пыртыны нош 7 кандидатъёс пӧлысь 5-сэ бырйизы.

Вера «Удмурт Кенеш» огазеяськонлэн йӧскалык премиосъя ӧриеныз кивалтӥсь Георгий Грязев: «Ми нырысь ик саклык висъяськом ӵектэм муртлэн мерлыко ужезлы, малы ке шуоно котькудӥз зэмзэ но ас удысаз умой ужа, нош со сяна общественной уж вань, куке но тон аслысьтыд дырдэ, семьядэ чалклатэк ужаськод ас калыкед понна».

Данъян книгае пыртэм дано адямиослэсь вань нимъёссэс шараялозы 8-тӥ шуркынмонэ Пичи Кенешлэн пумиськоназ.

Исполкомын ик Эстониын ортчем Дуннеысь фин-угор калыкъёслэн конгрессы вискын радъяськылӥсь конференци пумысен но ивортон лэсьтэмын вал. Отын лулчеберет, иворъёсты вӧлмытон, тазалыкез утён но демографи ӧръесъя ужазы. Палэнэ ӧз кельтэ анай кылъёс пумысен югдурез но – вераськизы, кызьы утёно но азинтоно кылъёсты, кыӵе инъет сётӥсь ӵектосъёс вань.

Нош Дуннеысь фин-угор калыкъёслэн вуоно конгрессы ортчоз 2020-тӥ арын Эстониын.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий