«Удмурт кенеш» огазеяськонлэн Пичи кенешез люкаськылӥз

    «Та пичи кенешмы сиземын 96 ар тырмонлы, кызьы удмурт калыклэн луиз аслаз кунлыкез. Асьмеос ваньмы тодӥськом, та лыдпус юн герӟаськемын Трокай Борисовлэн нимыныз, Кузёбай Гердлэн нимыныз. Мон малпасько, «Удмурт Кенеш» та нимъёсты тодын возем сяна, калыке поттыны кулэ. Асьмеос со бордын трос аръёс ӵоже ужаськом ини», — Пичи кенешез усьтыса, вераз «Удмурт Кенеш» огазеяськонлэн тӧроез Татьяна Ишматова.

    Пичи кенешын вань удмуртъёслэн XIII Бадӟым ӧтчамзы бере «Удмурт Кенешлэн» ужамез пумысен вераськизы, Огазеяськонлы 25 ар тырмонлы сизем сиё-дано ужрадэ, со 8-тӥ толсурлы чакламын, ӧтем куноослэсь лыдзэс юнматӥзы, Озьы ик 2016-тӥ арын «Удмурт Кенешлэн» Данъян книгаяз пыртэм адямиослы Оскытонэтъёсты сётӥзы но мукет пӧртэм ужпумъёсты сэрттӥзы-пертчизы