«Удмурт Кенеш» огазеяськонлэн исполкомез ортчиз

    «удмурт кенеш» огазеяськонлэн исполкомез ортчиз 1

    Дышетонъя федерал катлэн анай кылэз дышетонъя люкетаз воштӥськонъёс пыртэмен, трос бугыръяськонъёс ӝутскизы анай кылъёсъя ӧнерчиос пӧлын. Шуг-секытъёсты пусъён, ужез радъян понна удмурт кылъя но литературая дышетӥсьёс понна элькун форум ортчоз. Али чапак дырыз — дышетӥсьёс тарификаци пыр пото. Соин ик соос югдурез умой валаны кулэ, со сяна мед шӧдозы соос сюлэмшугъяськонъёсынызы огназы ӧвӧл шуыса.

    «Сыӵе дыр вуиз, куке ваньмы валаса кулэ утьыны удмурт кылэз. Но валаны кулэ, али дыре кыӵе ке но сыӵе азинлыко вамыш лэсьтыны уз луыуз луы. Удмурт кыл котькынытн мед чузъяськоз шуыса асьмеос анай-атайёсын. Пиналъёс, егитъёс удмурт кылэз анай кылэз кадь мед дышетозы, мед вераськозы шуыса. Та дыре самой кышкытэз, куке удмурт кыл школаосын кыльыса, семьяысь кошке», — шуиз «Удмурт Кенеш» огазеяськонлэн тӧроез Татьяна Ишматова.

    Исполкомын «кенешчиос» форумын пӧртэм ужпумъёсъя доклад лыдӟисьёсты пусйизы. Шараяськизы выль сюлмаськонъёс но. Кылсярысь, Балезино ёросысь нылпи садъёсын, визьнодасьёс ӧвӧлэн, удмурт кылэз нуись ӧнерчиосты воспитательлэсь ужзэ нуыны выжто. Соин валче анай кылэз дышетон дугдэ. Та но мукет ужпумъесъя вераськон мыноз 21-ти гудырикошконэ Можга ёросысь Бадӟым Уча гуртын.

    Ватсано на, Бадӟым Уча гурт юнме быръемын ӧвӧл. Ӵапак отын 100 ар талэсь азьло дышетӥсьёслэн конференцияязы нырысьсэ пумиськизы Кузебай Герд но Ашальчи Оки.

    http://www.myudm.ru/