Udmurt Fashion Day ортчиз Ижкарын

Кызьы шуиз удмурт модельер Дарали Лели, азьвыл саклык стилизованной дэремъёслы висъяське вал, нош али котькытын минимализм пала берытско. Дизайнер пусъе, туала удмурт модаын натуральной басмаослэсь огшоры улонын ветлоно кадь дӥсьёс.

«Али малы ке шуоно адямиослы дыртыса улоно луэ, бызьылыса. Соин ик удмурт дэрем, кадь, нуллэм потэ, егит нылъёслэн потэ дӥсяськемзы удмурт сямен, нош со вакытэ ик весь туфлиен-а, ботинкаен-а ветлыны секыт. Соин ик дӥсяло, пыдазы кутчало кроссовки, и озьы но чебер адске мон понна», – вера Дарали Лели.

Модая ужрадын Дарали Лели «MUCHIKAY» выль коллекцизэ возьматӥз. Со камсьӧр удмуртъёслэн дэремъёссы вылэ пыкиськыса кылдытэмын, шуэ модельер. Озьы ке но, туала модалэн но люкетъёсыз пыртэмын.

«Мон уг быгатӥськы камсьӧръёслэсь гинэ басьтыны дӥсьсэс, соин ик, валамон, мынам отын туала но мар ке луиз. Туала дукесъёс камсьӧр камзолъёс кадь ӧз пӧрмы лэсьтыны, но кыӵе ке но туала городын нуллоно кадь дӥськут, малпасько, пӧрмиз», шуэ – Дарали Лели.

Озьы ик аслэсьтыз «Пургаысен Пекинозь» коллекцизэ тодмо удмурт дизайнер Татьяна Москвина возьматӥз. Таяз радэ модельер Пурга дэремез шундыӝужан палась басмаосын огазеяз.

Модая нуналлэн мукет люкетэз — Ижкарысь кутскись дизайнеръёслэн ужъёссы. Асьсэ коллекциоссэс дасяку соос чеберлыклэсь аспӧртэм палзэ возьматыны тыршизы.

«Соослэн модельёссы урамысь. Соос кастинг люказы, модельной агентствое ӧз вазиськылэ. Нимысьтыз бичазы Ижкарысь тужгес тунсыко, тужгес аспӧртэм адямиосты», – вера Дарали Лели.

Ваньзэ возьматонын кӧня ке дасо кутскись но тодмо дизайнеръёслэсь ужзэс адӟытӥзы.

https://udmurt.media/udm/news/kultura-i-turizm/38137/

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий