Удмурт эктонъёсын видеопособие дасяло Ижкарын

Удмурт эктонъёсын видеопособие дасяло ижкарын 1 Иворъёс

Вераны кулэ, бадӟым но тунсыко уж Президент фондысь грантлы луыса быдэстэмын — видеопособие калык куспо «Мост» ӵектослэн йылпунъяэз луэ.

Экспедициосын потамын Глаз, Балезино, Пичи Пурга ёросъёсы.

«Ми кӧня ке бугыртӥм эктон традициез удмуртъёслэсь но крашинъёслэсь, озьы ик бесерманъёслэсь, — шуэ калык творчествоя элькун юртысь ӧнерчи Вероника Фёдорова. — Вераны кулэ, удмуртъёс эктон йылолзэс ышто ни. Но мар вань, кӧня кылемын – соосын ужаны кулэ».

Диске удмуртъёслэн гинэ калык эктонъёссы пырозы. Басьтэмын Балезиноысь — ланцы, Дэри ёросысь — ваче эктон, нош Татарстанын улӥсь удмуртъёслэн — киросэн эктонзы.

«Дискын возьматэмын луоз эктон, вералом солэн кылдэмез сярысь – кытысь со, кызьы эктоно, кыӵе пыдвоштосъёсыз, киосты кызьы возёно, — шуэ калык эктонъя «Чебеляй» студиен кивалтӥсь Наталья Чиркова. – Собере диске пыртом на асьме тодосчиосмылэсь калык творчествоя, крезьгуръя, хореографияя статьяоссэс».

http://www.myudm.ru/

 

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов
Добавить комментарий