Удмурт егитъёслэн «БиГерд» кыкетӥ улосвылкуспо форумазы куриськонъёсты кутон кутскиз

    Удмурт егитъёслэн «бигерд» кыкетӥ улосвылкуспо форумазы куриськонъёсты кутон кутскиз 1

    Ужрад туэ 28-тӥ инвожое — 1-тӥ пӧсьтолэзе Тарстанысь Балтаси ёросын ортчоз, соку ик отын «Гырон-Быдтон» элькун шулдыръяськон радъяськоз.

    Форуме пыриськыны ӧтё Татарстан Элькунысь но Росси Федерацилэн мукет улосвылъёсысьтыз 16-ысен 30 аресозь удмурт егитъёсты.

    Ужрад улсын егитъёс «Творчество», «Спорт», «Этноблогинг» но «Дизайн» ӧръёсъя тодон-валанъёс но быгатонлыкъёс басьтозы. Озьы ик соос «Гырон-Быдтон» шулдыръяськонын радъяськись флешмобе пыриськозы.

    Пусъём, форуме пыриськисьёслэн одно ик удмурт йӧскалык дӥсьсы луыны кулэ.

    Ватсалом, «БиГерд» форумез Бигерысь удмуртъёслэн автономизы радъя. Мылкыд карисьёслэсь куриськонъёссэс чӧлсконъя 20-тӥ инвожоозь куто.

    Тодэ вайытом, нырысетӥез форум кылем арын 22–23 инвожое Татарстанысь Менделеевск ёросысь Тэремшур (Енабердино) черкогуртын ортчиз. Ужрадэ пыриськон понна 40 адями куриськон сётӥз.

    https://udmurt.media/udm/news/obshchestvo/36965/