Удмурт егитъёс крезьгуръя клипъёс лэсьтон бордын тыршо

Удмурт егитъёс крезьгуръя клипъёс лэсьтон бордын тыршо 1 Иворъёс

Ужзы «КУАРА» огинлэн клипмейкингъя «Пус» лаборатория улсын быдэстӥське. Та ӵектоссы «Лулчеберетъя кичӧлтонъёсын» Азьмуртлэн Фондысьтыз грантсэ утӥз.

Нырысь-валысь клипмейкингъя лабораторие пыриськисьёс интенсиве люкаськылӥзы. Отын соос выризы предпродакшнэн: котькуд клиплы сториборд дасязы, тыл бордын, образъёс бордын ужазы, клипъёсты снимать карыны интыос но геройёс утчазы, малпанъёсынызы кырӟасьёсты тодматӥзы.

Лабораторие пыриськемъёслэн верамзыя, интенсив улсын ик ортчиз онлайн пумиськон Москваысь монтажёрен, видео колористэн, Хохлов Сабатовский киношколаысь ӧнерчиен Евгений Тенэн. Со люкаськемъёслы видео лэсьтон удыслэн ужамез сярысь вераз. Со сяна, Евгений «пусчиос» пӧлын вожвылъяськон ортчытоз на, устоез проектэз лэсьтӥсьёслы кенеш сётоз, клипсэс буяны юрттоз.

Клипмейкингъя «Пус» лабораторие пыриськисьёс ньыль съёмочной группалы люкемын. Та дырлы нырысетӥ клип дасямын ини IVINAVI проектлы. Таяз арняе ужзэ мытоз но выль клип бордын тыршоз кыкетӥез группа.

Поделитесь с друзьями:
Дом Дружбы народов
Добавить комментарий