«Удмурт дунне» выжы калыкъёслэн кылынызы потӥсь Россиысь устоез газет луиз

Вожвылъяськон 5 номинациосъя ортчиз:

Устоез газет — «Удмурт дунне»;

Устоез ёрос газет — Саха элькунысь «Үлэ күүһэ».

— Устоез журнал – Башкортостанысь «Башкортостан кызы»,

— устоез нылпи издание – Татарстанысь «Сабантуй.РТ»,

— устоез чеберлыко издание — Карелиысь «Кипиня» журнал.

«Мон туж возьмай та вормонэз. Кылем арысен — соку ортчиз нырысетӥез конкурс. Вормиз Якутиысь газет. Мон ӧй куатаськы, ӧй юскиськы (сотэк туэ выльысь ӧй сётысалмы заявка), но туж вожъяськи — якутъёслэн собыдӟа тиражзы! «Кыым» (Тылгизьы) газетэз лыдӟе 23 сюрс адями! Милям — 3500. Зэмзэ ке, та вормонэз мон гинэ ӧй возьма, сое возьмаз ачиз газет 105 ар пала», — гожтэ «ВКонтакте» бамаз газетлэн редакторез Зинаида Рябинина.

Вормисьёсты данъялозы Сочиын 21-тӥ 27-тӥ сентябре «Вся Россия-2019» форум дыръя.