«Удмурт дунне» энциклопедической справочникез кылдытисьёс Кун премиен пусйемын

Отын даур ӵоже редакциын ужамъёс сярысь ивортонъёс люкамын. Пусйыны кулэ, сыӵе энциклопеди туннэ понна одӥг кунын но ӧвӧл. Сое кылдытӥсьёс Зинаида Рябинина, Лия Малых но Валентина Уразаева ужзы понна Кун премиен пусъемын.

Ог 400 бамъем книгаез кылдытон понна авторъёс трос бугыръяськоно луизы архивын. «Удмурт дунне» энциклопедической справочнике 1700-лэсь ятыр адямиослэн биографиоссы, 500 мында туспуктэмъёс пыризы.

Кызьы пусъё асьсэос книгаез дасясьёс — лэсьтэмын бадӟым уж. Со вуоно журналистъёслы визькыл, ӟечкыл выллем луоз. Нош шаерамы вань улисьёс понна — та бамъёсын удмуртлыклэн азинскон сюресэз. Пӧртэм аръёсы Элькунмылэн улон сюресаз валтӥсь пытьыос кельтӥзы уноез редакциын ужам журналистъёс — автономиез кылдытӥсьёс, ожын ӟеч улон понна нюръяськемъёс но политикъёс.