Удмурт дэремъя «Катар» студилэн кивалтӥсеныз пумиськон ортчоз Ижкарын
«Катар» студия егит но азинлыко огазеяськон. Сое 2018-тӥ арын инвожое Можга ёросысь Кватчи гуртысь лулчеберетъя юртын кылдытӥзы. Студилэн бичетаз 200 пала вашкала калык дӥсьёс лыдъясько, тужгес вашкалаез — 1887-тӥ арысь. Студия бордын йӧскалык дӥсьёсты возьматон, удмурт дӥсез калыке вӧлмытон понна модалиослэн агентствозы ужа. Валентина Берёзкина тужгес тунсыко дӥсьёслэн историзы сярысь мадёз, удмурт лулчеберетлэн азинскон сюресаз нылкышнолэн интыез сярысь вералоз.
Озьы ик кивалтӥсь «Катар» студиен ортчытэм тунсыко ужрадъёс, азьланяз малпанъёссы сярысь вераськоз. «Тӧро сэрегын» кнуолы юанъёс но сётъяны луоз. Пумиськон удмурт кылын мыноз.