Удмурт дэремен туспуктэм лэсьтыны луоз Пельняньлэн нуналэз улсын Ижкарын
![Удмурт дэремен туспуктэм лэсьтыны луоз пельняньлэн нуналэз улсын ижкарын 1](https://udmddn.ru/wp-content/uploads/2019/01/il.jpg)
«Кемалась потэ ни удмурт дӥськутэз мертамды? Малпанъёс «Пельняньлэн дунневыл нуналэз» фестивален ӵош быдэсмо. Вуись шутэтскон нуналъёсы йӧскалык дӥськутэн но удмурт корка пушен «ТУСПУКТЭМ #УдмуртДЭРЕМ» фотозонаос усьтӥсько. Туспуктэмъёс удысужылко фотограф лэсьтоз», — иворто «Пельняньлэн дунневыл нуналэз» фестивалез радъясьёс.
Туспуктэм лэсьтон интыос 13 часысен 16 часозь вузкаронъя но шутэтсконъя «Петровский» огъетын ужалозы.
Ӵектэм дӥсьёс пӧлын Татьяна Москвиналэн студиысьтыз дэремъёс: ӟуч нылкышноослэн но воргоронъёслэн костюмъёссы, уйпал удмуртъёслэн «шотдрем» но вавожъёслэн «кускиньчош» дэремъёссы, лымшор удмуртъёслэн дэремъёссы, сӥзьыл но тол вакытэ нуллон урдэг дэремъёс.