Удмурт дӥськутэз кылдытӥсьёс этномодая «Этно-Эрато» вожвылъяськонэ пыриськыны быгато
Вожвылъяськонэ егит суредасьёс-модельеръёс, дизайнеръёс, студентъёс, лулчеберетъя йӧскалык автономиослэн, мер огазеяськонъёслэн, бӧлякъёслэн ёзчиоссы пыриськыны быгато.
«Конкурс выль нимъёсты усьтэ!», — пусъемын ивортонын.
Устооссэ 8 номинациосъя быръёзы: славян костюм, Каваказысь калыкъёслэн костюмзы, шундыӝужан палась костюм, финн-угор калыкъёслэн костюмзы, Уйпалась, Сибырысь но Далний Востокысь калыкъёслэн костюмзы, ретро калык костюм, туала костюмын калык тодметъёс, сцена понна калык костюм (эктон, спектакльысь люкетъёс, кырӟан но мукет). Котькудаз одӥгысен дасозь коллекциос возьматэмын луыны быгатозы.
Озьы ик нимысьтыз кузьымъёс луозы: вылӥ ӧнерлыко луон понна, оскон сётӥсь кутюръе, калык йылолъёсты утён понна.
Вожвылъяськонэ пыриськыны мылкыд карисьёс кулэ асьсэ сярысь ивортонъёсты, портфолиозэс, туспуктэмъёсты Москваысь йӧскалыкъёслэн юртазы электрон почта пыр 15-тӥ шуркынмонозь келяны.
Конкурс нунал Москваысь йӧскалыкъёслэн юртазы 9-тӥ толсуре ортчоз. Вормисьёслэн но лауреатъёслэн гала-концертсы — Москвалэн кивалтэтэзлэн Бадӟым залаз 10-тӥ толсуре.