«Удмурт блогеръёслэн школазы»  ӧсъёссэ усьтэ

Ужрадэ пыриськыны быгато удмурт кылын вераськись нылъёс но пиос, школаын дышетскисьёс, кинлэн вань мылкыдыз мерлыко вотэсбамъёсын видеоблог кылдытыны-нуыны.

Ӵектос кӧня ке люкетъёсын ужалоз: 1-тӥ ез – тодон-валан сётон. Ӧнерлыко журналистъёс, блогчиос, видеографъёс видеоблог кылдытон ужлэн инъетъёсыныз тодматозы.  2-тӥ люкетаз ӧнерчиослэсь басьтэм тодон-валанъёссэс нылпиос уж вылын эскерозы-юнматозы, кылдытозы аспӧртэм контент – удмурт кылын видеоблогъёс – вӧлмытозы соосты мерлыко вотэсын. Оглом школае пыриськисьёс 5 видеоблог кылдытозы.

Удмурт школьникъёсын кылдытэм огинлык азьланяз ачиз ужалоз, «Удмурт блогеръёслэн школаязы» басьтэм тодон-валанъёс но быгатонлыкъёс удмурт кылын ӟечлыко видеоблогъёс лэсьтыны паськыт луонлыкъёс усьтозы.

Ватсалом на,  та ӵектос “Куара” огинлэн. Со улонэ пыӵатӥське йӧскалык политикая министерстволэн грантэз улсын.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий