УдГУ-ысь студентъёс анай кылъёсты азинтонлы сӥзем калыккуспо конференцие пыриськозы

Ужрадэ Росси улосвылъёсысь 200-лэсь трос пыриськисьёс куриськон сётӥзы: Ханты-Манси автоном округысь, Карелиысь, Удмуртиысь, Марий Элысь, Чувашиысь, Татарстанысь, Москваысь но Санкт-Петербургысь. Со сяна, Финляндиысь, Швециысь, Норвегиысь, Венгриысь но Эстониысь куноос вуозы.

«Пусйымон, конференцие пыриськисьёслэн арлыдзы туж пӧртэм: соос пӧлын вань бадӟым классъёсын дышетскисьёс но, студентъёс но, егит эскерисьёс но, нимо дано тодосчиос но практикъёс но. Конференцилэн ужанрадлыкез кыллэн пӧртэм ласянь кутӥськемез сярысь рос-прос вераськыны луонлык сётэ», — шуэ Галина Габушева, Комиысь йӧскалык политикая министр.

Конференцилэн ужпумез – литературной кылъёсты но анай кылъёсын литератураосты азинтон, анай кылъёслэн кутӥськемзы ласянь лэчыт ужпумъёс сярысь кенешон, анай кылэз но литератураез дышетон удысын ужан амалъёсын тодматскон, анай кылэз утён но азинтон ужен герӟаськем тодосчиослэсь, дышетӥсьёслэсь кусыпъёссэс паськытатон.