УдГУ-ысь Евгения Аркова «Мисс студенчества Финно-Угрии» вожвылъяськонэ мыноз
![Удгу-ысь евгения аркова «мисс студенчества финно-угрии» вожвылъяськонэ мыноз 1](https://udmddn.ru/wp-content/uploads/2018/04/ar.jpg)
Калыккуспо конкурсэ пыриськисез быръён УдГУ-ын 12-тӥ оштолэзе ортчиз. Радъясьёс шаплы, чебер, веськрес мугоро, эктыны, кырӟаны быгатӥсь но удмурт кылэз одно ик тодӥсь нылашез утчазы.
«Ми вить нылъёсты учкимы, Женя тужгес но кельшиз. Солэн туж трос талантъёсыз — со кырӟа, «Эктоника» ӵектослэн резидентэз луэ, эшшо «Чебеляй» ансамбле пыриське», — вера Юлия Постричева, Удмурт кун университетысь мерлыко дышетӥсь.
«Мисс студенчества Финно-Угрии» вожвылъяськонзылэн йылпумъян люкетэз 25-тӥ куартолэзе Йошкар-Олаын ортчоз.
Тодэ вайытом, кылем арын «Мисс студенчества Финно-Угрии» вожвылъяськон куарусёнэ Сыктывкарын радъяськиз. Удмуртилэсь данзэ Глазкарысь В. Г. Короленко нимо пединститутысь Лия Стрелкова утиз. Со «Мисс Дружба» ним басьтӥз.