Уддядиын «ЖОН–ЖОН УДДЯДИ» этнофутуризмъя симпозиум ортчиз
![Уддядиын «жон–жон уддяди» этнофутуризмъя симпозиум ортчиз 1](https://udmddn.ru/wp-content/uploads/2017/04/exact_600x280_gjj.jpg)
Та фестивалез пӧртэм улосвылъёсысь но мукет шаеръёсысь этнофутуристъёс витьытэк возьмало, луоз. Уго Ижысь суредаськисьёслэн «Ижкар» огазеяськонзы арлы быдэ тол но, гужем но ортчытъя этнофутуристической симпозиумъёсты..
Таяз радэ 2-тӥ-10-тӥ толшоре Кияса ёросысь Уддяди гуртын 5-тӥзэ люкаськизы видеоартэн тунсыкъяськись этнофутуристъёс. Удмуртиысь сяна, отчы пыриськизы Татарстанысь, Эстониысь, Венгриысь оглом 10 кузя усточиос. 9 нунал соос улӥзы удмурт культурая центрын, калыкен кусып возьылӥзы, Уддядиысь бичам мадьёс, выжыкылъёс, йӧспӧртэм учыръёс вылын видеоос лэсьтылӥзы. Соосты ик адӟыны луоз Ижысь «Лифт» юртын.