Тыловай черкогуртэз лымыпог уллё шулдыртэ

Туризмез азинтонъя "Лымыпог" проект Тыловайын 2-тӥ ползэ радъяське. Нырысь ортче гуртъёс пӧлын лымыпогъёсты лэсьтонъя вожвылъяськон. Кылем арын Дэбес ёросын улӥсьёс гинэ пыриськизы ке ужрадэ, туэ Вотка но Эгра ёросъёс итиськизы на. Та чебер ӵектосэз малпаз но улонэ пыӵатиз Людмила Миронова.

«Мынам сыӵе малпанэ кемалась кылдӥз ни вал, — шуэ Дэбес ёросысь Тыловай черкогуртысь лулчеберетъя юртэн кивалтӥсь Людмила Миронова. — Тыловай гуртмес вылэгес ӝутон, калыке поттон понна со малпамын. Милям гуртысьтымы туж трос дано адямиос потэмын — Геннадий Корепанов-Камский, Анетта Сидорова, Валентина Бекманова но мукетъёсыз но».

Людмила Ильиничналэн мылкыдыз ачиз кадь ик тэк пукыны чидасьтэмъёслы паласькиз: та нуналъёсы гуртэ лыктэм куноосты быдэс уллё лымыпогъёс шулдырто.

Кызьы Шаркан ёрос Тол Бабайлэн шаерезлы пӧрмиз, Дэбесъёс но Тыловай гуртсэс лымыпоглэн вордскем гуртэзлы пӧрмытыны малпало.