Тужгес усто арганчиосты но такмакъёс быдэсъясьёсты шараязы Ижкарын

Фестивале пыриськизы удмурт но ӟуч коллективъёс Татарстанысь, Башкортостанысь, Марий Элысь, Киров, Пермь, Свердловск улосвылъёсысь.

«Соло и дуэты» номинациын I инты басьтӥз  Александр Малков (Алнаш ёрос). II инты  — вокалъя «Кабачи уӵыос»  дуэт (Эгра ёрос), III инты — Ольга Семёнова но Анатолий Поторочин (Красногорск ёрос).

«Ансамбли» номинациын I интые потӥз калык инcтрументъёсъя «Нива» ансамбль (Сарапул ёрос). II интые — «Ӧрзи» трио (Башкортостан, Татышлы ёрос). III интыез люкизы «Зангари» коллектив (Татарстан,  Балтаси ёрос) но Сарапулысь искусствоя нылпи школаысь пуньыен шудӥсьёслэн ансамбльзы.

Фестивальлэсь Гран-призэ утӥз Дмитрий Варфаламеев (Ижевск). Вормисьлы 1 сюрс манетлы сертификат сётӥзы.