Туризм — нылпиослы

Нырысетӥ туристъёс Кез каргуртысь 1-тӥ нылпи садысь пиналъёс луизы. Нырысь ик соосты удмурт выжыкылъёсысь геройёсын тодмато. Татын Алангасар соос шоры учке, татын ик вуко берга, вӧзаз сюро ош паймытэ.

«Пиналъёсмылы таӵе пумиськонъёс туж кулэ, — шуэ нылпи садысь визьнодась Елена Васильева. — Соослы со сётэ визьнод,  шуом-а мар-а. Пиналъёс тодмастко удмурт выжыкылъёсын, легендаосын, отысь геройёсын».

Собере удмурт выжыкылысь пиналъёс фин-угор дуннее вуо. Тодматско суоми шаерысь Мумитролен. Татын соослы мунё театр пукто. Этнокомплексын нылпиослы сӥзем выжыкыл инты ужа. Татын ик выжыкылъёсысь ӟуч геройёс — 3 батыръёс, Убир-аби, визьлюк куака — ваньмыз соос Кезысь кибашлыосын быдэстэмын. Та дыре Кощейлэн зэмос царствозэ жуто. Отысь сэрегъёсын пиналъёслы мастер-классъёс ужалозы. Покчиос кибашлы ужез ас вылазы эскерозы.

Вань лэсьтон ужъёсты кибашлыос быдыэстозы матысь дыре ини. Нылпиослы чаклам выжыкыл дунне нырысетӥ инвожое — нылписты утён нуналэ — усьтӥськоз.

http://www.myudm.ru/