Туннэ Пичи Пургаын «Тубат» ӵектосэн тодматскон ортчиз

Ӵектос бордын тыршись ӧнерчиос – Анастасия Шумилова но Артём Малинин – видеолекциосын сузьетлэн аспӧртэмлыкъёсыз, научно-популярной ужъёсты Интернет вотэсын вӧлмытон амалъёс сярысь мадизы.

«Тубат» улсын поттэм котькуд видеороликез луэ Интернет вотэсысь шедьтыны. Сое ужазы кутыны быгато дышетӥсьёс – нылпиослы ватсаса тодон-валан сётон вылысь. Кылсярысь, Удмурт кун университетысь преподавательёс «Тубатысь» видеороликъёсты лекци улсын возьматыло ини» – верало проект бордын тыршись ӧнерчиос.

“Тубат” ӵектос – удмурт кылын потӥсь научно-популярной видеолекциосын сузьет. Ӵектос улсын чакламын удмуртъёслэн кылзы, лулчеберетсы но сям-йылолъёссы сярысь видеолекциос кылдытыны. Лекци лыдзисьёс – тодӥсь-валась огин, ас удыссыя валтӥсь ӧнерчиос – этнографъёс, историкъёс, филологъёс но мукет тодосчиос.

Поделитесь с друзьями:

Журналист, редактор, контент-менеджер сайта, СММ специалист, оператор-постановщик интернет-телеканала "Даур ТВ"

Дом Дружбы народов
Добавить комментарий