Туннэ элькунамы удмурт лулчеберетлы сӥзем арня кутскиз

5-тӥ шуркынмонозь шаермылэн пӧртэм сэрегъёсаз 300-лэсь трос аспӧртэм ужрадъёс луозы: адӟытонъёс, мастер-классъёс, презентациос.

Валтӥсез – котькуд муниципал кылдытэтъёсын пӧртэм быгатонлыкъёсын коллективъёс асьсэ программаоссэс пуктозы.

Кылсярысь, кӧня ке ёросъёс дасяло «Йӧскалык дӥськутэн арня» акциос.

Дэри ёросын удмуртъёслэн юртъер котырзэс возьматӥсь адӟытон ужалоз, нош Кизнер ёросысь Саркуз гуртын удмурт ӵушконъёсын адӟытон.

Эгра ёросысь Лудошурын кут кутаны но сур пӧзьтыны дышетозы. Дэбесын удмурт калык выжыкылъёсты, мадёсъёсты лыдӟозы.

Нош Сарапулын нылпиос куспын калык эктонъя «Камушка» элькун вожвылъяськон ортчоз. Отчы пыриськозы калык эктонъёсты возьматӥсь коллективъёс.

Удмурт лулучеберетлы сӥзем арня, калык творчествоя элькун юртэн радъям «Даур гур» фестивальлэн, финал азьын ортчись люкетэз луоз.

Фестивальлы йылпумъянъёс лэсьтэмын луозы толсуре.